冇錯，隔離個兩隻好似隻狗，又似隻獅子既動物，就係我兩位家姐喇，其實佢地係隻賓尼兔黎架，我以前岩岩黎時都忌佢地三分既，話晒佢地個陣都大隻過我丫麻，不過而家我唔驚佢 Lu，我大個女啦麻，不過 以前我都唔係幾鍾意佢地架，因為佢地出黎玩既時候就係我要入房訓覺，又或者要困籠既時間喇（不過而家唔會Lu，我同家姐相處得好好啦），仲有呀，次次我想同家姐玩，撲埋去時就會比媽媽鬧架啦，話我嚇親家姐喎，好彩麻麻鍚晒我，成日都幫住我者！不過我個兩位家姐都真係幾得意架，拍得住我呀！

大家姐大名

 矇豬
綽號
阿矇、衰矇、矇矇、賊仔矇
性別 女
年齡 2001年4月13日買回來時2個月大
點解買佢 話說我係眾多兔兔中挑選緊買邊一隻好時，矇豬就係我身上留下氣味，就係係我度尿尿喇，當堂成件衫都濕晒呀，我仲買左飛睇戲添架，好彩唔係好臭渣．．．唔係就慘, 就係因為佢係我度留下氣味, 所以我就買左佢Lu，點知．．．原來係一隻超奀皮兔黎架！！！
性格

非常奀皮，謹慎（餵佢食野時會先試味，試過好吃才會食），咀刁（獨愛日本某牌子貴價兔糧及生果零食，見到時簡直係發左癲咁，新鮮生果反而興趣不大），懶惰（成日都訓），大膽，天不怕地不怕（除了剪指甲及沖涼），有性恪，不肯被人抱的　＜－小時候的矇豬性格，至於大個左之後呢∼

仍然係咁奀皮啦，仲要好粗魯添，成日擘大隻腳扒係到，要扮大家姐啦，蝦由細到大都好細膽既CC，仲有帶頭去撞＆推開我房門既膠版，去探險，跳上sofa等．．．總之要帶頭啦，不過就為食左，冇以前咁咀刁啦，菜菜同新鮮生果而家都愛吃，仲有叫做肯比人抱下咁啦，不過破壞力仍然係咁强，膽亦冇細到∼
嗜好 撕紙，咬掃把, 咬電線，到CC籠中屎屎尿尿，在CC籠中跑圈圈，衝直路然就急轉彎，fing頭然後跳高跑，挖洞洞，挖草草去屎尿位到，因要搵跌在糧兜底的葉子吃（好浪費食物同金錢！！），咬糧兜去將兔糧倒在地上，然後去找她愛吃的那種糧，後來CC也學了她啦．．．唉
強項 跳高（才三個月便可跳過一米高的障礙物，但必須助跑），咬東西，甚麼也可以咬爛的（戰績有看守sofa既加菲貓大公仔、電腦電線、電話線、cushion、被舖、地毯、膠拖鞋等），屎屎連環炮，可一次過呵4、50粒！！仲有盡佢既能力逃離自己既籠，經常成功的∼
討厭事情 被抱、梳毛、被摸下巴
愛吃食物 日本貴價糧、日本生果零食、水晶梨、香蕉、Alfalfa葉、蘿蔔咬咬棒、CC籠裡的食物、膠、紙．．．

二家姐大名

 CC（因買他的時候帶了回學校的Computer Center、所以便叫她CC了）
綽號

屎屎、思時、八掛妹、焚化爐
性別 女
年齡 2001年5月12日買她回來時2個月大
點解買佢 係Noki主人見到佢太可愛，忍唔住買下給矇豬做姊妹的，佢地好好感情架，矇豬都好讓佢，佢地好似兩公婆咁架！！
性格

細膽，但非常八掛，為食 （什麼也愛吃，當我食野時我會將食物放近他們看看他們有沒有興趣，發覺CC對差不多所有食物都想咬咬的，包括矇豬聞過咬過試過不好味的食物在內），神經質（對聲音很敏感）

大個之後既 CC 性格又係點呢？？ 比以前更加細膽呀，掂下佢都以前會比人食左咁，除非佢自己有野食緊啦，都可以摸下既．不過有樣野冇變，就係一樣咁為食喇，放得入口既佢都食架∼
嗜好 跟著矇豬行，有什麼事都會跑去搵矇豬，模仿矇豬做過的事，無論無位都要訓在矇豬同牆中間，無啦啦走黎頂你隻腳然後即刻逃走，常常跟你討食物吃，撕紙皮∼
強項
在籠外呵軟便然後踩扁佢留下氣味，模仿矇豬行為，以前CC好乖架, 而家跟得矇豬多曳晒啦∼∼　反應快， 一聽到膠袋聲便飛快走過來看看有沒有得吃，一看見我隻手又會飛快的逃走，驚死我劏左佢黎食咁．．．
愛吃食物 基本上CC是一個食物焚化爐來的，矇豬愛吃的她也十分愛吃，像發了癲似的，但矇豬眼尾都不看一下的她都愛吃呀，例如餅乾，朱古力，麵包，連雪條都鍾意，不過通常我都唔比佢食，淨係拎黎引佢周圍走既∼嘻，不過大個左之後對生果就興趣冇咁大喇，如提子、菠蘿等都不吃。